Aizawl City PYD
2010-09-01 00:00:00 IST ()
Join Fellowship
Aizawl City PYD Co-ordination Committee te chuan 20th November 2010 hian Aizawl Bethlehem Biak Inah Aizawl Khawpui chhung a mite tan Join Fellowship a buatsaih dawn. He mi in buatsaih na atan hian organising committee din a ni bawk.
Social Work Day 2nd October
Aizawl City PYD Co-ordination Committee chuan Social Works Day 2010 (October 2) hman dan tur rêlin Green Mizoramin thing a phun tawhte hung that leh a hmunhmâ sam faia hnatlâng neih tur a ni ang.
Tin, hemi ni hian Zemabâwk leh Ngaizêl-a Aizawl City PYD in Zun in a lo siam tawh thawmthat a ni bawk ang. CYMA hnuaia Ruihlo dotu CADS tanpui nan Social Works Day hian member 1-ah Rs 5 zel khawn tur a ni bawk ang.
86th, UPCI General Conference
2010-09-01 00:00:00 IST ()
86th, UPCI General Conference chu Dt. 29th September atanga Dt. 3rd October hian Toyota Centre, Houseton, Taxas-ah neih a ni dawn a, tunah hian inbuatsaihna kalpui mek a ni.
UPC North East India Unit atang in Rev. Ellic Hnehzova Fanai, General Treasurer leh Rev. V.L.Dika Sailo, General Missions Director te chu kal tura ruahmanna siam mek a ni. An kal theihna tur visa pawh kum 10 chhung atana hmuh a ni bawk. Foreign Missions Service ni 2nd October (Sat) 7:00 pm service-ah chuan mi pawimawh thutna platform ah an thu dawn tih thu pawh dawn nghal a ni.
He General Conference an hman rual hian Rev. Lloyd Shirley, Director of Promation thlahna hun an hmang nghal dawn bawk a, North East India Unit aiawh a kalte pawhin a thlahna tur sum leh pai an thawh ve dawn bawk. A hnuai ami hi programme deatail chu a ni e:
86th Annual General Conference
September 29 – October 3, 2010
Toyota Center
and GRB Convention Center
Houston, Texas
All services in the Toyota Center;
Exhibits in GRB Convention Center
You may pre-register now for the entire conference for $50.00 per person. Or you may purchase one service passes for $15 per person.
(age 18 and older)
Pre-Registration Ends August 31st
You may continue to register until 9/21/2010 for $75 PER PERSON
For registration information click here
Wednesday
Pentecostal Music Association
and Historical Drama
‘Healed In Houston’
7:00 pm
Thursday
Ladies Talk Time
10:00 am – 12:00 pm – GRB
Ministers Business Session
Toyota Center
9:00 am
Message from General Superintendent
David K. Bernard
7:00 pm
Friday
Ministers Business Session
Toyota Center
9:00 am
Ministers’ Wives-Lady Ministers Breakfast
Hilton Americas
10:00 am – 12:00 pm
(Doors will open at 9:30 am)
NEW THIS YEAR!!!
Seminars – Hilton Americas and GRB Convention Center
For list of seminars click here
Home Missions Service
Speakers: Tim Gaddy and James Lumpkin Jr.
7:00 pm
Saturday
Coffee and Tea with
General Superintendent
and First Lady,
David K. and Connie Bernard
Exhibit Hall E, GRB
9:30 am – 11:00 am
Youth Service
Speaker: Scott Graham
12:00 pm
NEW THIS YEAR!!!
Seminars – Hilton Americas and GRB Convention Center
For list of seminars click here
Foreign Missions Service
Speaker: Wayne Huntley
7:00 pm
Sunday
Memorial Service
Narrator: V. Arlen Guidroz
9:30 am
Sunday School Service
Speaker: Ken Gurley
11:00 am
Crusade – “Houston Ablaze”
Speaker: Jack Cunningham
5:00 pm
Children’s Crusade
George R. Brown Convention Center
5:00 pm
Rev.Dr.Paula boral
2010-09-01 00:00:00 IST ()
Rev.Dr.Paula chu ni 27/8/2010 zing dar 6:35 vel khan, Federick, Maryland Hospital USA-ah a boral.Nikum lamah khan a thiannu Lianchawllovi'n chuan a boral san tawh a ni.
Rev.Dr.Paula hi kohhran hmangaih leh duhsakna sangber hlantu a ni a, kohhranah kum 30 aia tlem lo rawng a bawl a, nihna hrang hrang, Asst.Superintendent & General Missions Director, UPC of Myanmar hruaitu hmasa a ni. Myanmar ram chhuahsanin a fate nen Maryland USA-ah hian an khawsa a ni.
Advertisement
2010-09-01 00:00:00 IST ()
ADVERTISEMENT
Applications addressing Chairman, Compassion Center Project, Kolasib are invited for the post of Principal at Susanne Downs Boarding School, Kolasib. Interested person may submit an application in a plain paper to any one of the undersigned on or before November 30th, 2010.
Written test on General English and interview will be held at UPC-NEI General Headquarters, Ramhlun South, Aizawl. The time and date will be inform to all applicants. No TE/DA admissible.
1) Qualification : Trained Graduate or Post Graduate
2) Desirable : Good knowledge of English
3) Experience : At least 5 years Teaching Experience
4) Testimonials and other requisite to be attached:-
i) Attested Certificate copies of HSLC (or equivalent) and above. Original Certificate concerned must be produced at the time of interview.
ii) Letter of recomendation from own Local Church.
5) Pay (inclusive of allowances): Rs 6,550/-PM
6) Term of Service : For the period of 2 years, which is extendable subject to performance.
7) Those who are addicted to any kind of intoxicating things need not apply.
Sd/-General Superintendent Sd/- Project Director
UPC-NE India Gen. Hqrs. Office, CCP, UPC-NEI, Kolasib
Ramhlun South, PO. Ramhlun - 796012 C/o ASC Home, Khuangpuilam
Aizawl, Mizoram Kolasib - 796081, Mizoram
Gen. PYD Choir
2010-08-27 00:00:00 IST ()
Bawngkawn Bialah
General PYD Choir te chuan Dt 30th. August. 2010 Thawhtan zan hian Bawngkawn Bial PYD te an tlawh dâwn a, Bâwngkawn bial te hian Bâwngkawn Biak In ah an lo thleng ang.
Tin, Gen. PYD Music Committee hmalâknaa Thu thlung hla inphuahsiak kal mêk, August thla chhûnga thehluh tura tih chu pawhsei niin September thla thleng a thehluh theih dâwn a ni.
General Officials programme
2010-08-27 00:00:00 IST ()
General Superintendent: Rev. K.Darsailova, chuan tun Pathianni hmang hian Sumsuih leh Chamring kohhranah rawngbawlna a nei dawn
General Secretary: Rev. R. Lalrinsânga chuan tun Pathianni (29/8/2010) hi Bazar kohhranah hun a hmang ang.
General S.S Director: Rev. Zalawma chuan tun Pathianni hian a lawina kohhran Chanmari-ah hun a hmang ang. August vek khan Kolkatta-ah a kal. August ni 31 hian Aizawlah an lo kir leh ang.
Kolkata-ah rawngbawl: Rev. Ellic Hnehzova Fanai, General Treasurer leh Rev. VL Dika Sailo, General Missions Director te chu ni 26/8/2010 khan Kolkata lam an pan. 86th UPC International Conference, Houston, Texas a neihna tura visa buaipui a kal an ni a. Kolkata-a an cham chhungin kohhran hmun li (4) ah rawngbawlna an nei kual dawn a ni. Ni 31/8/2010 hian Aizawl rawn kir leh tura beisei an ni.
Missionary lak tharte tirh chhuahna hun hmang
2010-07-09 00:00:00 IST ()
Ni 4/7/2010 (Sun) khan Hunthar, Aizawl Biak Inah Missionary lak thar 4 te tirhchhuahna hun hman a ni a. Missionary thar address leh an awmna hmun turte chu:
1. Evan.Chatuanlalramnghaka S/o R. Thanzuala, Zemabawk - Changlang, A/P-ah
2. SR. Lalhualhima S/o SR Thandanga, N. Hlimen - Jaigoan, N. Bengal-ah
3. PC.Zionrammawia S/o Rev.P.Lalthanga,Theiriat,Lunglei - Athibung, Dimapur Field-ah
4. Durga Lalramchhana S/o Chandra bahadur Karki, Thuampui - Tatto, A/P-ah
Tirhchhuah inkhawm hi Rev. V.L.Dika Sailo, General Missions Director chaun a kaihruai a. Rev. Zalawma, General Sunday School Director (Former Gen. Missions Director) chuan tawngtaina in inkhawm a hlan a. Rev. R. Lalrinsanga, General Secretary, UPC-NEI chuan Missionary te hnenah "Chanchin Tha" puang darh turin thu neihna a pe a. Rev. Zohmingthanzama, General Missions Secretary leh Rev. C. Lalmuanpuia, District Superintendent N. Mizoram leh mi thenkhat te chuan thusawina hun an hmang a. Missionary kal turte hnenah thilpek hlanna neih a ni a, inkhawm hi Evan. V.L. Tluanga Sinate chuan tawngtaina in a khar ta a ni.
Rev. G.A. Mangan kan chan ta
2010-07-09 00:00:00 IST ()
Rev. G.A. Mangun,Pastor, UPC of Alexandria, Lousiana chaun ni 16, June 2010 khan kum 91 mi niin chatuan ram min pan san ta.
Rev.G.A. Mangan hian kohhran tha tak a nei a,America kohhran lian 3 zingah tel pha in, UPC of Alexandria kohhran hi 25th, July, 2010 khan a din a ni.
Lousiana District Superintendent ah hian kum 53 zet a tang a, Foreign Missions Board-ah hian kum 20 chuang a tel bawk a ni.
A fapa Rev. Anthony Mangan leh Asst. Pastor ten an kohhran hi an enkawl a. Rev. G.A. Mangan hi khawvel ram tam takah rawngbawlin a zin chhuak thin a ni. Nikum pawh khan Foreign Missions ah a kohhran hian dollar maktaduai tel an chhung lut bawk a. Philipines lamah hian a hun tam tak a hmang thin.
Kumin 2010 a NEI UPC General Conference khan an kohhran zaipawl nen rawn kal a tum a, Philipines lamin an sawm nasat avangin a rawn thulh a.
Kum thar lamah zaipawl 40 rual nen a lo kal a tum mek laiin, chatuan ram min pansan ta a ni.
June 22, 2010 ah amah thlahna inkhawm neih a ni a, June ni 23 khan vuina inkhawm ropui takin neih a ni. International hruaitute pawh an kal tha hle.
Imphal District chhunga Kohhrante tlawh
2010-07-02 00:00:00 IST ()
Ni 25/6/2010 khan Rev. K. Dasailova, General Superintendent, United Pentecostal Church; North East India chuan Imphal District chhunga rawngbawlna nei turin a chhuak a. Churachandpur District Hqrs. ten Jubilee Building an sak te enin, ni 26/6/2010 khan Imphal District chhunga Bial pakhat Myanmar Border bula awm Moreh Bial chu a tlawh bawk a. A rawngbawlna hunah kohhrante chanchin sawiin a ranwgbawlna Lalpan mal a sawm hle a. Bial chhungah hian kohhran pali te awmin kohhran pahnihte te a tlawh hman hram a ni.
Ni 29/6/2010 ah Moreh atangin Imphal lamah kir leh in, zan lamah Imphal District Superintendent kal chhuak tur Rev. Vawmtawnlien Sinate thlahna leh Superintendent thar Rev. Jampee S. Gangte lak luhna hun hman a ni a.
A tuk ni 30/6/2010 zing kar atangin District Board a neihpui nghal a. District hmasawnna hrnag hrnagte ngaihthlakna neih a ni bawk a. He District Board neihah hian Pastor thar 2; Evan. T.L.Siama (IOffice Clerk) leh Moreh Bial Pastor incharge Evan. Hangmuanthang te chu lak thar an ni. Tin, hetih rual hian Office Clerk tur mamawh a nih avangin Evan. Thangminlien chu lak nghal a ni bawk.
Missionary thar 4 lak belh
2010-06-18 00:00:00 IST ()
MISSIONARY THAR 4 LA
General Conference in a lo passed tawh angin Kum 1 atan Missionary 4 lak thar tur a tih chu ni 16/6/2010 khan Gen. Hqrs. Office-ah lak thar an ni a, lak tharte leh an awmna tur chu hetiang hi an ni:
1. Evan.Chatuanlalramnghaka S/o R. Thanzuala, Zemabawk - Changlang, A/P
2. SR. Lalhualhima S/o SR Thandanga, N. Hlimen - Jaigoan, N. Bengal-ah
3. PC.Zionrammawia S/o Rev.P.Lalthanga,Theiriat,Lunglei - Athibung, Dimapur Field-ah
4. Durga Lalramchhana S/o Chandra bahadur Karki, Thuampui - Tatto, A/P-ah
Lak tharte hian ni 1st, June, 2010 ah joining report an pe ang. A thlahna hun hi ni 4, July 2010-ah Hunthar UPC Biak Inah chawhnu inkhawmah hman tur a ni ang. Missionary thlahna hun hi hmang turin kohhran mipuite kan in sawm a ni e.
PYD hriattur pawimawh
2010-06-18 00:00:00 IST ()
General Conference vawi 32-na, Churachandpur a neih zawh takin a rel angin North East India PYD member te tan Thuthlung lam hawi hla inphuah siakna buatsaih a ni a. A hnuaia tarlante hi hriattur pawimawh te chu a ni:
1.Hla phuah hi Thuthlung lam hawia ni tur a ni
2.Hla phuah reng reng a thluk nei a ni tur a ni.
3.Hla thluk reng reng harmonised a nih loh chuan a thluk tal hi tonic solfa-a dah tur a ni.
4.Mi pakhatin duh zat zat hla a thehluh theih ang.
5.Hla thehluh hi phuah thar a ni tur a ni a, sak larsa leh intihsiakna neih hmaa phuah te pawm a ni lovang.
6.Intihsiakna hlate hi eng tawng pawha phuah theih a ni ang.
7.Hla phuahsiak lawmman hetiang hi a ni.
1st prize - Rs. 3000/- and certificate
2nd prize - Rs. 2000/- and certificate
3rd prize - Rs. 1000/- and certificate
In tihsiakna a tel tum reng reng chuan an hlaphuahte August 2010 ral hmain General PYD hruaitute hnenah emaw Gen. Music Committee Secretary hnenah emaw thehluh tur a ni.
Child Project a thawktu tharte
2010-05-28 00:00:00 IST ()
Compassion International hnuaia UPC-NEI in Child Project a a hmalakna tura thawktu tharte chu ni 26/5/2010 khan General Hqrs. Office, Aizawl-ah lak thar an ni a. Chung an lakthar te chu heng mite hi an ni:
1. Project Manager - JH Malsawmdawngliana, Chaltlang
2. Social Worker - Lalhmingsangi Zote, Salemveng
3. Project Accountant - Zarzoliana Sailo, Electricveng
Heng Project hnuaia thawktu lak tharte hian June ni 1, 2010-ah an hna an thawk tan dawn a ni.
Audrine Scism Children Home
2010-05-28 00:00:00 IST ()
Home Mother thar
Ni 19th May 2010 khan Audrine Scism Children Home, Khuangpuilam Kolasib a Home Mother tur lak a ni a, Sis. S. Lalbiakzami, Thenzawl chu lak a ni. A hna hi ni 1st June, 2010 khan a zawm fel ta.
Tripura District thar hawng
2010-05-16 00:00:00 IST ()
Ni 16/5/2010 khan Rev. Ellic Hnehzova, General Treasurer kaihhruaina in Tripura District thar chu Rev. K. Darsailova, General Superintendent UPC-NEI chuan hawnna hun a hmang a. General Superintendent chuan, “Kohhranah hian mimal bik kan buaipui tura nilo, mipakhat avangin Kohhran hian hma a sawnna a tawp dawn chuang lova, chuvangin mihringah kan rinna kan nghat tur a ni lova, Lalpa Pathian thlir reng chungin ama remruat tihlawhtling turin hna kan thawk tur a ni. He hun kan hman mek Tripura Disrtict thar hawnnaah hian, Lalpan min thawhpui anga, nasa takin Tripura ram chhungah hian Lalpan ram min pe zel anga, ringlomi tam tak ten Lalpaah an rinna an nghat dawn a ni. Hmun hrang hrang atanga Executive Board members lo kal khawm te hian, he District tan hian nasa taka thawk a, District thenkhat an chawi kan tawh ang bawkin hna nasa taka thawka chawikan che u hi an tum a ni. Chuvangin kan thawh tur hrang hrangah theih tawp kan chhuah a tul a ni” tiisawi a. Tripura District thar chu Lalpa ropuina turin a hawng ta a ni.
Rev. R. Lalrinsanga, General Secretary chuan thusawi lehin, “Lungrual tak leh Lalpa rawn chungin he District hi a kal tur a ni. General Conference roreltute chuan puitlingah a ngai che u a, hemi avang chuan theih tawp chhuaha in thawh a ngai tawh dawn a ni. Hun hmasaah thil duhawm lo te pawh kan chungah theuh a lo thleng te pawh a ni ang; chungah chuan, thil kaltawh chu theih nghilhin kan hmalama thil awmte chu banin theih tawp chhuahin Lalpa rawng kan bawl tur a ni” tiin fuihna thu a sawi a. Chumi hnuah chuan Executive Board in Tripura District hruaitu tura a thlan chhuah te hetiang hian puanna hun a hmang a, hruaitu tharte chu:
District Superintendent - N. Mizoram District atanga deputation a tirh tur.District Secretary - Mauk Sangma (Part time)District Treasurer - Pastor Tuahthanga (Full Time)
Heng thlan tharte hian June, 16. 2010 ah joining report pe in General Superintendent in induction service a neihpui dawn bawk a ni.
Chairman chuan thusawi turin; Tripura District-a Pastor hna thawk tawh thintu Bro. Shanti Rai Reang, Tripura chu thusawina hun hmang turin a sawm a, ani bakah hian District hrang hrang atangin thusawi tur koh an ni a. General Sunday School Director leh General Missions Director chuan thusawina hun an hmang ve leh a, District thenkhatte chuan Tripura District hawn thar te hnenah hian thilpek hlanna an nei a. Aizawl East District te chuan Steel Almirah, Central District-in Water Filter leh Barak District, Imphal District te chuan sum fai an pe a. District thenkhatte chuan tunah pe nghal mai lo mahse, District thar mamawh chu pe turin an sawi bawk a ni.
He hun hlimawm tak hi chawhnu dar 1:00PM ah khar a ni ta a ni. Chhun thingpuihmeh tur hi South Tripura lama Bagaffa Section ten tumin hlim leh lawm takin hun hman a ni.
General Headquarters Lungphum
2010-04-16 00:00:00 IST (UPC - NEI News Service)
Dt.16 April, 2010 tlaiah General Hqrs Foundation Lungphum phumna, Mualpui hmunah neih a ni a, Rev.Bruce A. Howell, General Director of Foreign Missions chuan lungphum hi a phum a, tin, tanpui nan cheng nuai 1 a hlan nghal bawk a ni. General Headquarters hmun hi bigha 4.81 (6341 sq.m) a zau a ni a. A hmun lei nan leh laih nan hian Rs.nuai 6-7 vel sen a ni. Building sak tur hi a dung 100 ft., a vang 50 ft., chhawng ruk a sak tur a ni dawn a, Office-te, Lynden Press-te, Multipurpose Hall-te, Archive Room leh Library te dah tum a ni. He building sakna tur bik atan hian Rs. 1,00,38,173 estimate a ni a. He building sak tur leh ramte hi Lal Isua ropui nan a hlan a ni. He lungphum phumnaah hian Kohhran hruaitu pawimawh hrang hrangte an kim hle a ni.
International Youth hruaitute
2010-04-07 00:00:00 IST ()
International Headquarters a Youth Division Leaders te chanchin tlangpui:
1) Shay Mann :Shay Mann hi 2004 atangin General Youth President a ni. Tin, Director of Promotion leh General Youth Secretary hnate a lo chelh tawh bawk.
2) Daryle Williams : Daryle Williams hi kum 2007 atang khan General Youth Secretary hna a chelh a, Youth Pastor, Youth Director, Florida District Youth Secretary, Florida District Youth President hnate a lo chelh tawh a ni.
3) Michael Ensey :Michael Ensey hian kumin 2010 January thla atang khan Director of Promotion hna hi a chelh tan. Ani hi Texas state-ah kum sarih lai Youth President a lo ni tawh a ni.
4) Erica Jackson :Erica hi Administrative Secretary hna chelh lai niin kum 2008 atang khan General Youth Division-ah a thawk tan a ni.
5) Tamra Schultz :Tamra Schultz hi kum 2005 atang khan Administrative Secretary a ni.
6) Cindy Sorrels : Cindy Sorrels hi Administrative Secretary a ni a, ani hian GYD-ah hian a thawk a ni. Bible School kal lai a ni a, a major subject chu music a ni.
7) Ricky Fay :Ricky Fay hi nikum 2009 atang khan GYD-ah hian a thawk tan a, Inventory control manager a ni. Gateway College of Evangelism-ah BA in Pastoral Studies zirlai a ni.
Rev. Dr. David K. Bernard, General Superintendent thar lawmlut
2010-04-07 00:00:00 IST ()
Rev. Dr. David K. Bernard, General Superintendent atana Oct. 2009 a thlan thar chuan, January 2010 khan a office a luah tan ta. Gen.Superintendent atana lawmluhna Inauguration Service erawh chu ni 5 March 2010, 7:00pm khan, The Sanctuary Church, Hazelwood, Missouri-ah neih a ni bawk. Programme pawh hi khawvel puma hmuh theih turin live telecast a tarlan a ni bawk.
Rev. Bruce A.Howell, Gen. Director, FMD report
2010-04-07 00:00:00 IST ()
February 14, 2010 khan ka nupui nen California-ah kan zin a. Hemi tum hian van Nuys khuaa Valley Lighthouse kohhranah Annual Faith Promise sevice ah kan tel a. Chubakah Spanish tawng hmang UPC Biak Inah thusawina hun tha takte kan nei a. Faith Promise puala inkhawmnaah Rev. Andrew Arrowood-a kohhrante chuan an beisei aia sang thawhlawm an hmu a, inkhawm boruak a nuam bawk nen, kan hlim tlang kher mai.
February 17, 2010-ah Jamaica rama UPC 64th National Conference hmangin kan kal leh a. Rev. John Hopkins, Regional Director nen vawi hnih v eve thusawina kan nei a. Inkhawm apiangin mi engemawzahin thlarau thianghlim an dawng thar a. An vain mi 207 in thlarau thianghlim an dawng a, tunlaia Jamaica rama record thar a thleng a ni. Lalpan malsawm rawh se.
Rev. Hrangchhina, UPC mi chhuanawm boral
2009-10-29 00:00:00 IST ()
Rev. Hrangchhina, Haulawng, Lunglei District bialtu pastor thawk thin chu dt. 24th Oct. 2009 khan a chenna Haulawng Lalvengah a boral a, dt 25th October 2009 khan roupui taka vui liam a ni.
Rev. Hrangchhina hi 29th May 1929 khan Perilung khuaah a piang a, a pa Hramirha ni a, a nu chu Kilthliahi a ni. Unau pasarih niin mipa 5 leh hmeichhe 2 an ni a, ani hi unau zinga naupang ber a ni.
Mihlim Pu Sela, Biate khua rawngbawlna atangin a piang thar a, Thlarau baptisma a chang bawk. Pathianin a kohna chu ramthim tana rawngbawl niin a hria a, "I thawh loh avangin tam tak an boral e" tih hla hi a duh em em a ni. Rawngbawla a kalchhuahna Tlanglo khuaa a awm lai chuan a khua a sik a, thiin a luak bawka, a tumna hmun pawh thleng thei lovin a mit a del ta a. Chutianga mit dela hun engemaw chen a awm hnu chuan a Pathian hnenah thu tam tak tiamin a tuk zing lamah chuan Pathian hnathawh chu lo langin a mit a lo var leh ta a ni. Chutia rawngbawla a awm lai chuan UPC a hmusit em em thin a. Mahse, an doctrine leh Bible a enkawp a, a khaikhinin a zir chiang a, a rilru a hlimin Pathian hnenah a mangan thu leh Pathian Kohhran din ngei a ni em tiin Pathian hnenah chuan a tawngtai a. Hei ngei hi Pathian kohhran din ngei chu a ni tiin a hmuhsit em em thin UPC Kohhranah chuan a awm ta a ni.
Kum 1958-ah Local licence a la a, 1960 khan thla 6 atan Pator incharge a la a, 1961-1962-ah temporary Pastor-a lak a ni a; kum 1962-ah vek Pastor nghet atana lak a ni chho leh ta a ni.Tin, kum 1966-ah General Licence pek a ni. Pastor hna a thawh hnu hian Calvary Bible School, Landour, Missoorie-ah bible zir turin a kal leh a; North East India UPC a indan hnuin CBI, Shillong-ah a kal leh a, kum 1974 khan a graduate ta a ni.
A rawngbawl hun chhungin khaw 8-ah kohhran a din a, nupa tuak 23 a inneih tir a, Biak In 17 a hawng a, mi sanghnih chuang Isua hmingin a baptist a, pastor 10 zet a chherchhuak thei bawk a ni. A rawngbawlna-ah mi tam takin chawplehchilhin damna an chang a. A rawngbawlna-ah hian hmuhsit leh nuihzat mai ni lo, tihduhdahna vuak, velh leh hnawhchhuah te a tuar bawk a ni. Kum 21 leh thla 6 pastor hna a thawk a, kum 1982 1st November khan a chawl ta a ni.
Lal Isua lo kal a nghakhlel em em a, "Chu hun ni ropui lo thlen hunah chuan thih leh nat hreawmna te, hmuhsitna ka tuar tawh dawn lo va, kei in Pastor Hrangchhina kebai in hmangaih em em pawh hi a ke a bai tawh bik lovang. Chu hun chuan mi tiropui dawn a ni" tih hi a sawi thin a ni.
Dt. 18 Oct 2009 chu a hun a ni a, hman theih loh a hlauh em em avangin Pathian hnenah pawh a hun hman theihna turin damna a dil a. A beisei ang ngeiin a hmang thei ta a, inkhawm ban a a haw chu awn a chhauk thei ta lo reng reng a, a taksa chu chau tial tialin dt. 24.Oct. 2009 zan dar 11:45 ah amah hruai thintu a Lalpa hnenah a chawl ta a ni. Amah vuitu tura a lo duh Rev. Zalawma’n a vui liam ta a ni.
Rev. Chaiyong Wattachant, Thailand Gen. Supdt. (Rtd) boral
2009-09-15 00:00:00 IST ()
Rev.Chaiyong Wattachant, UPC of Thailand Gen. Supdt. (Rtd) chu dt.5/9/2009 (2:00 am) khan chatuan ram min pansan ta. A fapa chenna hmun Hat Yai khuaah vui liam a ni.
Thailand hi kum 1952 October thla khan Denmark atangin Missionary Sis. Elly Hansen chu rawngbawlin a lut a. Tichuan, October 1974 ah UPCI Foreign Mission Division chuan Missionary puitling atan a pawm ta a. Kum 1975 ah Rev. Fred Hyde te chhungkua chu Bangkok-ah Missionary tirh luh an ni leh ta a ni.
He mi hnu hian Rev. Billy Cole-te chhungkuain Thailand-ah hian Missionary hna hun rei tak an thawk leh a. Chutih hun chhung chuan Rev. Chaiyong Wattachant hi National Superintendent-ah a awm a, kum 2008 thleng in a thawk chho a ni.
A hun chhungin member sing tel fe kan nei hman a ni. Tin, kum 2005 khan Thailand khawpui Bangkok hmunah Global Council hial an thleng a, Kohhran pawhin hma an sawn nasa hle a ni.
Sis. Barbara Ann Willoughby kan chan ta
2009-08-28 00:00:00 IST ()
Rev. Steve Willoughby, Singapore a kan Missionary nupui Sis. Barbara Ann Willoughby chuan ni 21.8.2009 (Friday) khan chatuan ramah min kalsan ta.
Kum 1986 October khan Malaysia leh Singapore-a Missionary atan appointment pek an ni a. He mi hma hian Pakistan-ah Rev. Allan Shalm, Pakistan Missionary chawlh chhung atan Accociate-in-Mission hna an thawk a. Hemi hnu hian Thailand, Malaysia leh Singapore ah te rawng an bawl zui ta a ni. Vanneihthlak takin Singapore ah hian resident visa hmuin awm hmun an khuar ta a, tunah chuan Singapore a Tabernacle of Joy kohhran ah hian thalai ringawt pawh 1000 (sang) chuang an nei ta a ni.
Sis. Barbara hian kum 12 chhung cancer natna a vei a, chutiang natna vei nimahse Lalpa rawng nasa takin a bawl chho zel a. Tin, a pasal Rev. Steve Willoughby pawh nikum atangin cancer natna avangin New York Hospital-ah a awm a, tun thleng hian engmah ti thei lovin ala awm a ni. Kohhran hoten i tawngtaipui reng ang u.
Tunah hian Sis. Barbara hian a pasal leh a fate 3 chu a kalsan a, ni 28 August 2009 hian Singapore-ah amah hriatrengna hunserh inkhawm an neihpui a, ni 3 September 2009 ah USA lama an lawi thinna kohhran Apostolic Centre, Mattoon, Illinois, USA-ah Memorial service hman a ni leh bawk ang.
Kumtin Deep Calleth Deep Conference a zaipawl ho hla hruaitu ber a ni thin. A pasal leh a fate bakah Singapore-a an kohhran Tabernacle of Joy te tan Pathian hnenah thlamuanna dilin i tawngtaipui ang u.
Aizawl East District
2010-08-27 00:00:00 IST ()
Bial Conference hmang/dawn
1.Dârlawn Bial Missions Department chuan Dt. 27th - 29th. August 2010 hian Ratu-ah Conference an hmang dâwn a, Rev. PC Lalnghakliana, Dist. Secretary chuan a hmanpui dawn.
2. Hnahlan Bial Missions Department chuan Dt 27th - 29th.August 2010 chhûng hian Conference an hmang dawn a, Rev. K. Hrângvunga, District Missions Department Director chuan a hmanpui ang.
3. Dt. 27th - 29th 2010 August hian Bethlehem Bial Missions Department Conference chu Bethlehem Vengthlangah hman a ni dawn a, Evan. E. Vanlalpeka Zote District Missions Department Treasurer-in a hmanpui ang.
4. Bazar Bial LAD te chuan Dt 27th-29th. August 2010 chhûng hian Armed Vêng Biak inah Conference an hmang dâwn.
5. Bawngkawn Bial Missions Department chuan Dt 4th -5th. September 2010 ah Ramhlun vengthar kohhranah Bial Missions Conference an hmang dawn a, Evan. R. Vanchhûnga, Bazar, Aizawl chu Speaker a ni ang.
N. Mizoram District
2010-08-27 00:00:00 IST ()
Bial LAD Conference hmang
Durtlâng bial LAD te chuan Dt 27th-29th August 2010 hian Bial Conference 2010 chu Durtlang Mual Vêng Kohhranah an hmang. He Bial LAD Conference Speaker atan Rev. C.Lalrammuana, Dist. Secretary, N. Mizoram District, Durtlang Pastor i/c ni bawk chu hman a ni. He Conference ah hian local hrang hrang LAD ten Lêngkhawm zaia intihsiakna an nei bawk.
Ram lei thar
Kolasib Diakkawn Pastor Qtrs tur ram Rs 6,00,000.00 man chu lei fel a ni a, tin, Khatla South Kohhran Biak In hmun tur Rs 7,00,000.00 man chu lei fel a ni bawk.
Rawngbawl na nei dawn
North Mizoram District PYD hruaitute chuan Dt 29th. August 2010 Pathianni chawhnu leh zan hun hmang turin Headquarters Bial PYD te chu Hqrs Local, Tuikhuahtlâng-ah an tlawh dâwn a, Dist PYD Zaipâwl ten an tawiawm dawn a ni.
Lunglei District
2010-08-27 00:00:00 IST ()
Kumpuan 'Thianghlimna' bawhzui
Dt.27/8/2010 Zirtawpni hian General PYD kumpuan THIANGHLIMNA(zûk leh hmuam, incheina,etc) bawhzui nan, Lunglei District PYD bul tumin I&PR Auditorium(Hall) ah Seminer buatsaih a ni a, Thingtlang bial atang pawhin thalai engemawzat an rawn pungkhawm. Tin, Mimal thahnemngai inhmukhawmin an din, Full Gospel Ministry chuan Dt.28.8.2010 khian an Office, Lunglei Venglai ami chu an hawng dawn, mi thahnemngaite inpekna a zarah kum hnih atan TV Cable Operatorte nen agreement an sign tawh bawk.
Seminar 'Thianghlimna'
Lunglei District chhunga Local hrang hrang LAD ten General hmalakna bawhzui nan, kawng hrang hranga thianghlimna seminer leh beihpui an thlak nasa hle.
Crusade hmang mek
Lunglei Luangmual local ten Dt.25.8. 2010 Nilaini zan atang khan crusade hlimawm tak an hmanga, speaker atan Rev.C.Lalhriatpuia Pângzawl bialtu chu an hmang a, thlarau lamah malsawmna thar an dawng chho mek.
Rawngbawlin kal
Rev.PC.Lalrosânga District Mission Director chuan Dt.29 August Pathianni hmang hian Tlabungah rawngbawlna a nei dawn.
Sekhumah rawngbawl
Dt 22/8/10 Pathianni hmanga Rahsiveng Local PYD ten Sekhum local an tlawh chu boruak a nuamin Thlarau malsawmna PYD ten an dawng nasa hle
Churachandpur
2010-08-27 00:00:00 IST ()
Member thar
May -August 2010 thla chhûng khan Sis. Kim Lami rawngbawlna atangin mi 8 sengluh a ni.
Tin, Evan Lalamena rawngbawlna atangin mithar 16 seng luh an ni bawk. Mi thar zingah mi 4 in Thlarau Baptisma an chang nghal. Pathian chawimawina ruaite theh in boruak nuam tak an hmang.
Chandel
2010-08-27 00:00:00 IST ()
District Missions Conference hmang dawn
September ni 24 -26 ah Chandel District Hqrs, Rungchang kohhranah District Missions Conference an hmang dâwn. Tin,October ni 14-17, 2010 hian District LAD Conference cum Seminar an nei dawn bawk a ni.
Home Crusade tan dawn
September ni 1, 2010 atang hian District pum puiah Home crusade an nei tan dawn.
Central District
2010-08-11 00:00:00 IST ()
Ni 30th July 2010 khan Central District te chuan kum chanve District Board an nei a. An rorel thenkhat lo tarlang ila:
1. Roger D. Shira recomment na: Roger D, Shira, Williamnagar a mi chuan Calvary Bible College (CBC) SHillong ah kal a dil a, ngaihtuah sak niin CBC a kal chu rem an ti a, recomment nise an ti.
2. Rev. Lalpeklien Sungte dilna: Rev. Lalpeklien Sungte chuan Pune-ah BD a zir mek a. He a zirna atan hian Computer laptop a mamawh avangin leisak turin a dil a. An sawiho hnuah kohhran property atan leisak nise, a hman zawhah office a dah let leh turin leisak chu an passed sak ta a ni.
3. Kohhran vehicle: District motor thar lei tur chu ngaihtuah a ni a. ngun taka an ngaihtuah in loan la lovin lei mai nise tih passed a ni.
4. LSC hming thlak chungchang: Central District ram Superintendent Quarter awmna chu a ram neitu hming a la nih avangin kohhran hming a thlak nise tih ngaihtuah a ni a. Thlak remtih tlan a ni a, a lo buaipui turin Rev. R. Laichhingpuia, Superintendent leh Evan. H. Lalringa, District Missions Director te chu ruat an ni.
Imphal District
2010-07-09 00:00:00 IST ()
Imphal District chuan ni 30th June 2010 khan District Noard an nei a, Pastor 2: Evan. TL Siama (Office Clerk) leh Evan. Hangmuanthang(Moreh Bial Incharge) chu an la thar a. Pastor thar an lak tak avang hian pastor awmna pawh hetiang hian siam rem an ni.
1) Rev. Thangtinlien Hqrs Section-ah
2) Rev. Y. Norensingh Kangpokpi Sec.-ah
3) Rev. MS Singh Kakching Section-ah
4) Rev. Dokholun Moreh Section-ah
5) Pastor Hangmuanthang Khousabung Section-ah
6) Pastor T.L. Siama Dingpi Section-ah
Imphal District Board chuan an District Office chungah Building sak chhunzawm leh an tum. Pastor Dokholuna chu kum 10 lai a lo service ve tak avangin Reverend title pek a ni.
Pastor lak tharte hi Dt. 23. 07. 2010 ah an awmna hmun tur thleng tura tih an ni.
Evan. TL Siama, Office clerk chu Pastor atana lak a lo nih tak avangin, a hna hnawh khahna turin Evan. Thanghminglien chu kum 2 chhung atan LDC atan lak a ni bawk.
Tripura District
2010-06-18 00:00:00 IST ()
Tripura District Department hruaitu tharte:
1)LADIES AUXILIARY DEPARTMENT:
President - Sis. Lalsangi of Dagaichhora
Secretary - Sis. Lalsangpuii of Tuikawrmo
Treasurer - Sis. Ronjana Riang of Baghafa
2)PENTECOSTAL YOUTH DEPARTMENT:
President - Evan. Lalrawia of Khawhreng
Secretary - Bro. Chuaithluanga of Khanchawng
Treasurer - Sis. Lalkhawthangi of Darchawi
3)SUNDAY SCHOOL DEPARTMENT:
Director - Dr.Komol Riang of Tuikormo
Secretary - Bro. Panji of Tuikawrmo
Treasurer - Bro. Torendra Riang of Tuikawrmo
4)MISSIONS DEPARTMENT:
Director - Bro. Shantirai Riang, TCS of Agartala
Secretary - Bro. Pobitro Riang of Tuikawrmo
Treasurer - Pastor Tuahthanga, District Treasurer
Heng Department hruaitu ruat thar zawng zawngte hian 1st July, 2010 atangin an mawhphurhna la tawh se, tih duh leh remtih tlan a ni.
THAWKTU SERVICE REGULARISE
NEI UPC Executive Board Dt. 14-24/4/2010 Res. No-10-na ah Tripura Missions Field a pastor thawk laite District a thawk chhunzawm tura appointment a pek tawh chu thlir nawnna kan nei a.. Heng a hnuaia thawktu:
1)Pastor Zarzoilian of Darchawi Section
2)Pastor Biakhmunrema of Baghafa section
3)Pastor Tlangmawia of Ambassa section
4)Pastor Tuahthanga of Kolachhora
te hi executive board in a lo rel angin, an sevice hi Dt. 16/5/2010 atangin Regularised nise, tih rawtna awm chu duh leh remtih tlan a ni.
Pastor Malsawma of Darchawi chu Kolachhora Section atan Executive Board Dt. 15-16/6/2010 Res. No-1(4) na in appointment a pe bawk a. Executive Board rorel angin ani pawh hi Dt 15/6/2010 atangin Regularised ve nghal nise tih duh leh remtih tlan a ni.
CASUAL WORKERS CHUNGCHANG:
Casual Warkers thawk laite pawh District tharah rawih chhunzawm a tul dawn avangin, heng kan thawktu Casual-a General Missions Department-in alo rawih laite hi Casual Workers atana an thawhna hmuna thawk chhunzawm zel turin lak an ni. Chung thawktute chu:
1)Bro. Tarun Sangma of Dumachhora
2)Bro. Kumud Debarma of Moinarma
3)Bro. Marik of Kolachhora
4)Bro. Ramendra Tripura of Roisiabari
5)Bro. Holendro Riang of Lokichhora
Kum 2011 District Conference hun leh hmun tur sawiho a ni a.Ngun taka kan ngaihtuah hnuin hetiang hian rel a ni.
1)A hun :A hun tur hi District dang khawmpui neih hun turte nen lo thlirin hun remchang laiah District hruaitute leh General Superintendent ten lo ruat mai se.
2)A hmun :Dagaicherra, Kolachhora Section
FIELD TREASURER THLAHNA CHUNGCHANG:
Tripura Missions Field chu District a hlankai alo niih tak avangin Field Tresurer thawklai Pastor Roitu-a chu a chawlh a lo tul ta a. Ani hi Kum 1968 a Tripura a UPC alo din atangin District Treasurer leh Field Treasurer hna lo thawk ngar ngar a ni a. Hetiang a rim taka kohhran tana a lo thawh tawhna hi a rorelna chuan ropui a ti a. Amah thlahna leh chawimawina neih tha rorelna chuan a ti a. Chawimawina Citation leh pawisa fai Rs. 2000/- chu kum 2011 District Conference hunah hlan nise tih a ni.
Induction Service nei
Rev. K. Darsailova, General Superintendent UPC-NEI chuan ni 13/6/2010 khan Tripura District Superintendent thar tur Rev. HF Malsawma chu lakluhna programme UPC Biak In Darchawi-ah remchan zawkna avangin a hmang. Rev. C. Lalmuanpuia, District Superintendent, N. Mizoram District chuan he lakluhna programme General Superintendent in a neih tur hi a tawiawm bawk.
Ni 14/6/2010 (mon) ah Tripura khawpui Agartala-ah tlangin, ni 15/6/2010 zingkar atangin District Board neih nghal a ni a. Treasurer thar Pastor Tuahthanga pawhin Field Treasurer Pastor Roituaha hnen atangin charge ala nghal bawk a ni.
Barak District
2010-05-28 00:00:00 IST ()
Barak District Superintendent thar Aizawl East District atanga Deputation a kal tur a ruat Rev. Biaksangzuala, Champhai Bethel Bialtu chu ni 30/5/2010-ah Rev. K.Darsailova, General Superintendent chuan induction service a nei dawn. Deputation a tirtu Aizawl East District Superintendent Rev. R. Lalhawia pawhin he hun hi a hmanpui dawn bawk.
Tin, a tuk ni 31/5/2010-ah District Board hi Rev. K. Darsailova, General Superintendent chuan a hmanpui dawn bawk a ni.
South East Nagaland
2010-02-16 00:00:00 IST ()
Dt. 14-17 January 2010 khan Rev. R. Lalrinsanga, General Superintendent UPC-NEI leh Rev. R. Lalrosanga, District Superintendent Lunglei District te chuan South East Nagaland District Conference Zhupu hmunah an hmanpui a. He an khawmpuiah hian District hruaitute thlanna an nei nghal a, chung an thaln tharte chu hengte hi an ni:
Rev.Pantsa Leyri- Superintendent SEND
Rev. Chhiso Thupitor- Secretary SEND
Rev. Rusamong-Tresurer SEND
Chhimtuipui District
2009-08-27 00:00:00 IST ()
Kumin 2010-a Bial thar hawn Bualpui (Ng), Pastor Lalsawmliana Sailo bialah a vawikhatna atan Dt 27-29 August 2010 chhûng hian Bualpui 'Ng' ah Bial Conference an hmang. He hun hmang tur hian Rev.C.Valy, Dist. Superintendent; Rev C.Satinkapa, Dist. Secretary; Rev. W.L Thanghre, Dist. Treasurer leh Rev HC Mangliana, Missions Director te chu an kal.
Arunachal Mission Field
2010-08-27 00:00:00 IST ()
Member thar
Arunachal Pradesh Missions Field-a Tato khuaa rawngbawltu Durga Lalramchhana hnen atanga report kan dawn danin ni 22/8/2010 vel khan Presbytrerian Church, Baptist Church leh non-Christian atangin member thar 31 te chuan UPC NEI an rawn zawm thar.
He khua Tato-ah hian UPC a la ding ngai lova, tun tuma member thar te hmang hian kohhran thar duhawm tak chu a ding ta a ni. Lalpa hnathawh ropui tak avangin ram a eng zel a ni.
Arunachal Pradesh Missions Field ah hian Pastor JH Zahluna chuan Director hna thawkin Lalpan nasa takin a thawhpui a, Field pawhin nasa takin hma a sawn a ni.
LAWMTHU SAWINA
Arunachal Pradesh Missions Field tana thahnemngai taka pulpit man tur min thawh saka min khawnsaktute chungah Lapa Isua hmingin lawmthu kan saw tak meuh meuh a ni.
Chung kan tih buai em em; Rev. R. Lalhawia, Aizawl East District Superintendent leh District chhunga thawhtu bial hrang hrang; Zemabawk bial, Thuampui bial, Bazar bial, Bethlehem bial leh mimal hrang hrangte chungah leh Rev. C. Lalmuanpuia, District Superintendent N. Mizoram District leh sum leh pai thawhtu zawng zawng bial hrang hrang; Chaltlang bial, N. Mizoram Distict Hqrs. bial, Dinthar bial te leh mimal thahnemngai a thawhtute chungah lawm thu hi a sawi tak meuh meuh a ni.
Tin, Arunachal Pradesh lama pulpit thawn tura pack saka Missionary te pui bawmtu Chanmari local, Missions Department leh Bethlehem local Missions Department te chungah an lawmthu an sawi tak meuh meuh a ni.
Tunah hian him dam takin Arunachal Pradesh Field Hqrs. chu a thleng tawh a, member te an lawmin an hlim tlang hle ani. Lalpan malsawm zel rawh se.
Pastor JH Zahluna
Field Director, Arunachal Pradesh Missions Field
Assam Mission Field
2010-08-27 00:00:00 IST ()
Field Report (Jan- August) member thar :
March 14 khan Karikor-ah Isua hmingin mi 11 in baptisma an chang a, nausen 8 hlan a ni bawk. April 4 khan Guwahati Fellowship-ah mithar 6 lawmluh an ni. May ni 4 khan Bro. Junus Murmu rawngbawlna atangin Kachugaon-ah chhungkaw hnih lawmluh an ni. August ni 8 khan Kachugaon-ah vêk hian Catholic atangin mi 2 lakluh a ni a, Angeli Para-ah mithar 1 sengluh a ni bawk. Jakati (preaching point)-ah Catholic leh Hindu atangin mi engemawzat in UPC rawngbawlna an chhim mek zel a, thuthlung dik an hmuh theih nan tawngtaipui an ngai hle.
W. Bengal-Sikkim
2010-06-18 00:00:00 IST ()
Missionary Quarter leh Fencing hawnna nei dawn
W. Bengal/Sikkim Missions Field Hqrs. a Missionary workers Evan. Lallianbuanga chenna tur hawnna leh Compound Fencing hawnna programme hmang turin Rev. VL Dika Sailo, General Missions Director chuan ni 18/6/2010 khan Aizawl a chhuahsan a, hawnna hun ni ni 20/6/2010 ah a an hmang ang.
Tin, Director hian Bhutan Missions Field pawh a tlawh nghal dawn a ni.
Member thar: W. Bengal-Sikkim Missions Field Director Pastor Lalsiamlian Zote chuan ni 6/6/2010 (Sun) khan Dalcon, Tasari, Bethelbari khua ami members 150 kohhran pathuma mite chu Lalpa Isua hmingin UPC-NEI kohhranah a lawmlut.
Kolkata Missions Field
2010-06-15 00:00:00 IST ()
KOLKATA KAN LAWM E
1. Rawngbawltu kan pung:- Kohhran hote tawngtai puina chhangin Pathian malsawmna Kolkata field chuan kan dawng ve zel e. District tana thil ropui lo pawh hi field ah chuan kan lawm hle zel ania. Kumin april khan mi pathum Local Lisense pek an ni a, chungte chu (i) Abhoy Tigga - Santragachi, (ii) R.K Lal - Santragachi (iii) Robin Biswas - Batanagar te an ni.
Bro Abhoy Tigga hi Santragachi a kan kohhran din thara Evangelist anga lo thawk thin a ni a, Howrah Rail station puiah hian Section Superintendent thawk mek a ni a; zin miten kan mamawh hunah Khawvela khualzin nikhata chhuah tamna ber zinga mi(Nitin hian khualzin mi nuai 16 aia tlem lo an lut chhuak thin) Howrah hmuna hotu pakhat hi UPC tirhkoh a ni tih kan hre dawn nia.
Bro RK Lal hi Santragachi kohhran upa, an inkhawmna in neitupa a ni a, ani in phalna avang hian kohhran kan din theih phah a, kan lawm em em a ni.
Bro Robin Biswas hi Batanagar PYD President thin a ni a, Open Home foundation hnuaiah rawngbawlna hnathawka awm mek a ni a, a thawhna bul Ultradanga a UPC din tuma hma latu kha a ni a, Dum Dum kohhran enkawlna a a khaipa atan hman kan tum mek a ni.
2. Baptisma chang thar:- Murshidabad district lamah Pastor Simon das a rawngbawlna atangin ni 30.5.2010 khan Hindu mi 13 in Isua hmingin baptisma an chang thar, Lalpa chu fakin awm rawh se.
Andaman Mission Field
2010-04-09 00:00:00 IST ()
ANDAMAN-AH KOHHRAN A DING TA
Andaman thliarkar-ah UPC ten member 50 chuang kan nei ta. UPC NEI in rawngbawl tura a dah mêk Pastor Lalfakawma hnathawh rah sengin Rev. R.Lalrinsanga, Gen. Supdt leh Rev. R.Lal rosanga, Lunglei Dist Supdt te Andaman kal te chuan inbiakna neiin Thuthlung an inhrilh hnuin Pastor Nelson, B.Com, B.Th, M.Div chuan Isua hmingin Baptisma changin a kohhran member 50 vel te nen UPC NEI an zawm ta. Lalpa’n a ram a zauh zel e.
Pang - Bawm - Chakma
2009-09-15 00:00:00 IST ()
Rev. Zalawma, Gen. Mission Director leh Treasurer te chuan dt. 6/9/2009 Pathianni hmangin PBC (Pang-Bawm-Chakma Field) Hqrs. Chawngte ‘C’ an tlawh a. He field-ah hian Pang, Bawm leh Chakmna te bakah vai leh hnam hrang hrangte an awm. Kohhran member tharte an nei a, biak in sak tumin Chawngte ‘C’ leh Damdep khuate chuan hma an la mek a, field target pawh tlak ngei turin an inbuatsaih nasa hle a. Missionary Convention, November 2009 a Vanapa Hall a neih tura kal turte pawh an inruat tawh bawk.
Bhutan
2009-09-15 00:00:00 IST ()
GENERAL MISSION DIRECTOR BHUTAN LAMAH
Rev. Zalawma, General Mission Director UPC-NEI chu dt. 15/9/2009-ah chhuakin North East India Mission Field pariat zinga pakhat Bhutan Field tlawh turin a kal dawn. Dt. 19/9/2009-ah Thimpu atangin a let leh ang. Tunah hian Bhutan khwpui, Thimpu hmunah hian Missionary, Evan. H. Lalnunmawia te chhungkua chuan Missionary hna an thawk mek.
Dt.23 - 25/9/2009 chhunga Chandel District Mission Department Conference, Chakpikarong hmuna neih tur chu a hmanpui ang a, dt. 27/9/2009 ah Revival meeting an neih tur chu a hmanpui bawk ang.
Dt. 28/9/2009 ah Moreh a tlawh ang. Dt. 1/10/2009 ah Hmarkholien atangin Aizawl a rawn pan ang. A rual hian Rev. C. Vanlalena, Thingsai, bialtu leh Rev. P.C Rosanga, District Mission Director, Lunglei te chuan an tawiawm bawk ang.
Dimapur
2009-08-13 00:00:00 IST ()
Reports:
1. January thla khan Dimapur-ah mi 12 laiin Baptisma an chang thar a, heng zingah hian mithar 8 an awm.
2. February thla khan Dimapur ah mi-thar 3 in baptisma changin kan la lut a.
3. May thla Khan Naharlangso(Karbi Anglong) ah Lalpan mithar 2 min pe leh a. He hmunah hian member -80 vel kan nei tawh. Lalpa chu fakin awm rawh se! Mahse, an inkhawmna tur Biak In erawh chu Ft 10 bial vel chauh temporary a sak niin he hmunah hian an inkhawm ve tlang tlang thin. Biak In an mamawh hle mai. Tun kum chhunga a sak thar tum a ni a, tanpui an ngai hle mai.
Tin, May thla vek hian Golaghat hmun Mokrong Tea Sstate ah Pastor Saikia a ten hma an la thar a, mithar 2 (pahnih) in Baptisma an chang a, Furpuiin a nan tak avangin hma lak zawm a harsa rih hle. Thawmhmaw (second hand ) te kan sem a, kohhran phun thei ngei kan beisei, in mi tawngtai pui kan ngai khawp mai.
4. July thla chhung khan Evan. P.C Zion Rammawia awmna Athibung ah mi-thar 3 (Pathum), Buddist leh Hindu atangin Baptisma an chang a, members thar 5 kan lakluh belh a ni.
UPC General Headquarters News
Departments
Sorry, No Results!
Loading data, please wait...